铁血中文

集一（第18页）

一晚，往瓜园看守。时值五月初三四，月色微明，望见园边树底似有四五人来往游行，相聚而语。陈四思疑此等脚色唔通，想来偷瓜，双手执住一条青兰棍，藏身密叶之内，观其动静。忽闻得一人曰：“我等且去瓜园一游，行吓瓜地，闻吓瓜花，睇吓瓜仔。你话如何呢？”一人曰：“唔好去，唔好去。

衰起番来，遇着陈四，被佢吓死，重反为不美。”其人笑曰：“你既死了为鬼，重要再死一回么？只见人怕鬼，有乜鬼怕人。

你真正细胆咯。”彼鬼曰：“你咁大胆，唔驶怕人，又何以唔敢白日出现。”此鬼曰：“你真正尖利，一句顶住我。但我怕他人，不怕陈四。”彼鬼问其故，此鬼曰：“我于十日前，曾经入土地祠，见阴司勾魂票到，有陈亚四之名，不两日要死。

迟得几晚，陈四与我等携手游行，怕佢甚么。”又一鬼曰：“你只晓得讲鬼话，知一不知二。陈四唔死得咯。”此鬼笑曰：“包你咁长手脚，何解缘由？”答曰：“我昨日入土地祠，见案上有一角文书，系城隍发来说，陈四老母近日做一件阴功，添多十二年寿。”此鬼曰：“点样阴功法？”答曰：“陈四邻屋有一个财主婆，失了钱二千，思疑大婢偷去，日日鞭挞。话要认了便罢，若不肯认，要打死为止。（若系自己仔女偷去，未必打得唱凄凉。）婢之父闻之，怒曰：“如果我女做贼，要将他投于海中，不使生于人世。”此婢日夕悲啼，进退无路。

陈四老母不觉伤心，代为忧虑，其偷与不偷，尚属无凭，但有死无生，实为可悯。想得一计，将自己衣裳首饰尽行押去，得钱二千文，捧向财主婆处告曰：“我老身前数日入来你屋，并无人在此，见有钱百余干，堆在地上。忽起贪心，窃取两吊。

以为咁多钱数，未必记得分明。不料查察起来，疑婢所窃，将他毒打，心有难安。老身前世唔修，致今生穷苦唔通，重结此冤债，待来世酬还么？今将钱数交还，望你宽容大量，赦我一时之错，勿计前非。”财主婆曰：“原来如此。我又不知老伯婆。既是拈去，若系紧支，何妨借用。今既交回，事经明白，我不怪你无用怀渐。”话完两别。灶君将此事上奏于天，玉皇大帝将此事发落河间县城隍注簿，查得陈亚四老母前世唔修，今世应要有仔养老，孤零独立，苦楚难当。其子陈亚四，寿该二十二岁，注于乾隆三十四年五月初六日死。今既有此件阴功，应将其子添寿一纪，长多十二年命，以养此妇终身。你都唔知头尾。想陈亚四迟几晚共你游行，唔怪得你咁快活。”此鬼曰：“暇！暇！数日之间，又是一场变卦，方信阎王簿上有添有改，都无梗板写法也。”

陈四听到此言，不觉咳嗽一声，数鬼忽然散去。陈四闻言又惊又喜，终夜思量，方知阴功可以补寿，药物不能补也。陈四初时见老母托钱交回于人，一肚怒气。听了一番鬼话，方知老母救人之故，怨气皆消。又细想起来自己命短，得母一善，能添一纪。十二年后，又要死亡，有何长策？不如我自己立志，日日去修，到了十二年，其功不少，玉皇大帝又将我寿数加增。

寿愈增，我善愈积，将来有福有寿，有子有孙，亦人生之大想像也。但家道贫难，难做救人之事。细思：“善莫大于孝。”

能尽孝道，莫大之功。于是欢喜奉承以待老母。其母又安享八年而死。

陈四此时取妻生子矣。后修善行，晚年福寿而终。

世界之间，有修善而见报者，有修善而不见报者。

非无报也，报之而人不觉也。假使当时邻里尽知陈四老母救婢一事，众人必曰：“亚四老母咁好心，好之又唔见有好处。亚四并非发财，并非发贵，亦不过挑瓜卖菜，辛苦度日而已。何尝有，点样荣华呢！”谁不知，唔系做个点善心，想有个仔卖菜，奉养老母而不可得。若非瓜棚遇鬼，或晓得前生今世，祸福原由。世界事许多难解之处，而鬼神消息，有大算盘，不外添补扣除，统前后其计之也。

鬼怕孝心人

晋陵城东门外，有一人姓顾名叫亚成，生子，娶媳妇钱氏。

其子远出雇工，钱氏在家十分孝顺。

适顺治十三年，城之东，便大起瘟疫症。转相传染，有一家死尽者，有一巷仅留数人者，亲戚不敢过门探问。顾成亦染此病，一家八口，病在床中。未起症时，钱氏归宁母家一月之久。一日有妇人报到曰：“亚娇，你翁姑个处，时症大行，一家之人，俱受重病，做乜你唔去归睇吓呀？”钱氏闻言大惊，面变忧愁之色，叹曰：“相离甚远，我点得而知。”即卷起袱包，辞别父母。老母留住曰：“女呀，你唔好去个的。唔系别样病，系叫做有牙老虎。你偏回去，若撞板起来，连你都死干净咯。”钱氏曰：“唔怪得老母忧，但男子娶妻，无非为翁姑生死之计。（晓得大道理。）今者有病不归奉事，与禽兽何异。

女今要去，就系死亦甘份。父母不用挂怀。”（人话忠臣不怕死，我话孝妇不怕死。）父曰：“照你讲起番来大条道理。况且生系佢人，死系佢鬼。在父母亦难强留。”（父亲甚明白。）钱氏起行，老母送出村外，流泪嘱咐曰：“女呀，你要去即管去，至紧要知避忌，须买的苍术，塞住鼻哥方好。”钱氏曰：“谨遵老母所言。”遂分手而去。

钱氏望在路直走，想即时见了翁姑之面，方得心安。将归到村边大社坛，家中病者似见一鬼，自外走人来报信，形影徨急喊各鬼曰：“我等快的走出去，不宜在此也。”众鬼问其故，报信鬼曰：“今者孝妇归家，诸吉神皆拥护而来，我等再留，有些不便。”各鬼慌忙失色。有的想缩入床下底，有的想躲埋门角头。报信鬼曰：“唔做得，唔做得，张须被佢睇出，你唔走，我去咯。”

报信鬼即奔，各鬼跟随而出。